I. Кереш өлеш.

Төрле юнәлештә тәрбияче артыннан йөрү, йөгерү.

II. Төп өлеш.

1. Флагчыклар белән гомуми үсеш күнегүләре.

1. «Флагчыкларны күрсәт!»

Башлангыч торыш – аяклар җилкә киңлегендә, флагчыклар тоткан куллар аста. Кулларны өскә күтәрү, флагчыкларны күрсәтү, башлангыч торышка кайту (3 тапкыр).

2. «Флагчыкларны куегыз!»

Башлангыч торыш – аякларны бергә куеп басып тору, флагчыклар тоткан кулларны алга сузу. Чүгәләп, флагчыкларны идәнгә кую, башлангыч торышка кайту. Чүгәләп, флагчыкларны алу, башлангыч торышка кайту (3–4 тапкыр).

3. «Флагчыкларны яшерегез!»

Башлангыч торыш – аяклар бергә, флагчыклар тоткан кулларны ян-якка сузу. Чүгәләп, флагчыкларны артка, идәнгә куярга, башлангыч торышка кайтырга. Чүгәләп, флагчыкларны алырга, башлангыч торышка кайту (3–4 тапкыр кабатлагыз).

4. «Тартылыгыз!»

Башлангыч торыш – идәнгә утыру. Аякларны туры куеп, флагчыклар тоткан кулларны ян-якта тоту. Алга иелү, флагчыкларны аяк бармакларына тидерү, башлангыч торышка кайту (3–4 тапкыр).

5. «Сикерү»

Башлангыч торыш – аякларны аз гына аерып, флагчыклар тоткан кулларны өстә тоту. Йөрү белән чиратлаштырып, куш аяклап сикерү (4–5 тапкыр).

2. Төп хәрәкәтләр.

2.1. Куш аяклап урында сикерү (10–15 тапкыр);

2.2. Билгеләнгән ераклыкка (3–4 м га кадәр) корсакка ятып шуышу;

2.3. Тупны авыш тактадан тәгәрәтү.

«Кояшкай» хәрәкәтле уены.

Тәрбияче балаларны үз янына чакыра, сөйли:

Кояшкай, кояшкай!

Безгә син елмай.

Бик рәхәт син булганда,

Яратабыз уйнарга.

Балалар башта кулларын чәбәкләп торалар, «яратабыз уйнарга» дигән сүзләрдән соң бер урында сикерәләр.

III. Ә син беләсеңме?

Тәрбияче кулларны сабын белән дөрес итеп юу күнекмәләре турында мәгълүмат бирә.

Физкультминут. «Чәп-чәп чәбәкәй».

Чәп-чәп, чәбәкәй,

нәниләр кулларын күтәреп чәбәклиләр

Кулларыбыз бәләкәй,

Ә хәзер тизрәк-тизрәк

кулларын җиңелчә генә тезләренә сугалар

Чәбәклик күңеллерәк,

Уен берничә тапкыр кабатлана.

IV. Йомгаклау өлеше.

Сулыш алу күнегүләре белән чиратлаштырып, 1,5 минут тыныч йөрү.