I. Кереш өлеш.

Күзгә күренеп торган ориентирлар буенча йөрү. Тәгәри торган әйберләрне куып йөгерү.

II. Төп өлеш.

1. Тасмалар белән гомуми үсеш күнегүләре.

1. «Тасмаларны күрсәт!»

Башлангыч торыш – аяклар җилкә киңлегендә, тасма тоткан куллар ян-якта аста. Кулларны өскә күтәрү, тасмаларны күрсәтү, башлангыч торышка кайту (3 тапкыр).

2. «Тасмаларны яшерегез!»

Башлангыч торыш – аякларны бергә куеп басу, тасмалар тоткан кулларны өскә күтәрү. Чүгәләү, тасмаларны идәнгә кую, башлангыч торышка кайту. Чүгәләү, тасмаларны алу, башлангыч торышка кайту (3–4 тапкыр).

3. «Тасмаларны селкегез!»

Башлангыч торыш – аякларны бергә куеп басу, тасмалы кулларны төшерү. Тасмалы кулларны өскә күтәрү, алда тасмаларны селкү, башлангыч торышка кайту (3–4 тапкыр).

4. «Аякка тидер!»

Башлангыч торыш – аякларны туры сузып, идәнгә утыру, тасма тоткан кулларны артка яшерү. Алга таба иелеп, тасманы аяк бармакларына тидерү, башлангыч торышка әйләнеп кайту (3–4 тапкыр).

5. «Сикерүче».

Башлангыч торыш – аякларны бераз аерып басу, тасма тоткан куллар ян-якта. Урында ике аяклап сикерүне тасмаларны селкү һәм йөрү белән чиратлаштыру (4–5 тапкыр).

2. Төп хәрәкәтләр.

2.1. Идәнгә сузылган бау аша сикерү;

2.2. Тупны ике кул белән астан ыргыту;

2.3. Аркан (канат) астына үрмәләп керү.

«Бау аша сикер» хәрәкәтле уены.

Балалар урындыкларда утырып торалар. Тәрбияче идәнгә 3–4 м озынлыктагы төсле бау сала. Берничә бала (6–8) бау янына килә һәм тәрбияче сигналы буенча бау аша сикереп чыга. Уенны идәнгә тагын бер бау салып катлауландырырга була. Балалар башта – беренче, аннары икенче бау аша сикереп чыгалар.

III. Ә син беләсеңме?

Тәрбияче дөрес туклану турында әңгәмә оештыра.

Режим вакытында хикәя тыңлау. Резеда Вәлиева. «Акыллы малай икән». https://balarf.ru/ipad/library.html?id=2

IV. Йомгаклау өлеше.

Колоннада берәрләп тезелеп йөрү. Сигнал буенча, юнәлешне үзгәртеп йөрү.