«Чәчәкле җәй җитә...».
Информация
Бурычлар
һәм хәтердә калдырырга ярдәм итү. Текстның эчтәлеген кисәкләп һәм тулысы белән сөйләргә өйрәтү. Сөйләмнең грамматик төзелешен формалаштыру.
Әйтелгән исемгә туры китереп сыйфатлар табу, аларны урынлы куллана белү күнекмәләрен ныгыту. [Җ] авазының калын һәм нечкә әйтелешен ныгыту.
Балаларда башка әкиятләр белән танышасы килү теләге уяту. Кызыксынучанлыкларын, бәйләнешле фикерләү сәләтен үстерү.
Җәйге табигатьнең матурлыгына соклана белү, ярату хисләре, аңа сак караш тәрбияләү.
Шөгыль барышы
Экранда җәй күренеше күрсәтелә.
١. Шигырь уку: «Тәмле җәй», Шәүкәт Галиев.
Аланнарда – җиләк исе,
Басуларда – иген исе,
Җәйләүләрдә – сөт исе…
Тагын аллы-гөлле чәчәк,
Кайнар кояш өстисе –
Шушы булыр җәй төсе!
٢. Җәй турында фикер алышу.
Тәрбияче:
– Балалар, берничә көннән нинди ел фасылы башлана?
Балалар:
– Җәй башлана.
Тәрбияче:
– Җәй айлары нинди айлар?
Балалар:
– Июнь, июль, август.
Тәрбияче:
– Җәй көне табигатьтә нинди үзгәрешләр була?
Балалар:
– Көннәр эссе була. Кояш кыздыра.
– Бөтен җир ямь-яшел: үләннәр дә, агачлар да. Чәчәкләр үсә.
– Кошлар сайрый, күбәләкләр оча.
– Җиләкләр пешә.
– Яңгыр ява. Яшен яшьни.
Тәрбияче:
– Нәрсә ул – салават күпере? Аны кайчан күреп була?
Балалар:
– Салават күпере яшен яшьнәп яуган яңгырдан соң күренә.
Тәрбияче:
– Сез җәйне яратасызмы? Ни өчен яратасыз?
Балалар:
– Җәй көне рәхәтләнеп су коенырга була.
– Кызынырга да була.
– Бакчада, урманда җиләкләр өлгерә.
– Урманда гөмбә җыярга була.
– Урманда, бакчада ял итәргә рәхәт һ.б.
٣. [Җ] авазының дөрес әйтелеше өстендә эш.
Тәрбияче җәй, җиләк, җылы, җимеш сүзләрен [җ] авазына басым ясап әйтә. Сүзләрдә нинди авазның еш ишетелүен сорый. [Җ] авазын сузып әйтеп карарга куша. Балалар [җ] авазын сузып булмавын (тартык аваз булуын) ачыклыйлар.