Төп хәрәкәтләр:

1. «Үрмәкүч» биремле уены.

Залның ике ягында бер-берсе белән параллель рәвештә ике такта урнаштыру. Ике рәткә тезелеп, такта буйлап уч һәм тез башларына таянып, җитез «үрмәкүч кебек» үрмәләү. Тәрбияче, бер-берсенә бәрелмәсеннәр өчен, балалар арасындагы ераклыкка игътибар итәргә тиеш. Үрмәләгәннән соң, шнур янына килеп, баланың аның аша атлап чыгуы һәм баш өстендә кул чабуы (3 тапкыр).

2. Тигезлек саклау.

Һәр тактаның урта өлеше янәшәсенә идәнгә шакмак (яки теләсә нинди предмет) кую. Бер-берсеннән якын рәвештә уртача темпта йөрү, тигезлекне сакларга ярдәм итеп, кулларны як-якка җәю. Шакмак янында туктап, чүгәләү һәм йөрешне дәвам итү, Күнегү тәмамланганнан соң, тактаны тышкы яктан урап узу һәм үз колоннасына тезелү кирәклеген искә төшерү (2–3 тапкыр).