I. Кереш өлеш.

Бер сызыкка тезелү, гәүдә торышын тикшерү, колоннага күчеп тезелү. Тәрбияче күшкан биремнәрне үтәп, предметлар арасыннан «елан рәвешендә» («змейкой») йөрү, таралышып йөгерү.

II. Төп өлеш.

1. Гомуми үсеш күнегүләре:

1. Башлангыч торыш – эскәмиядә утырып, кулларны билгә кую. Кулларны як-якка җәяү, башны янга бору, башлангыч торышка кире кайту (8 тапкыр).

2. Башлангыч торыш – эскәмиядә утырып, кулларны баш артына кую. Кулларны ян-якка сузу һәм, мөмкин кадәр иелеп, идәнгә кагылу. Туры басу, куллар ян-якка, башлангыч торышка кире кайту (һәр якка 3 тапкыр).

3. Башлангыч торыш – эскәмиядә утырып, кулларны билгә кую. Кулларны ян-якка сузу, уңга борылу (сулга). Туры басу, куллар ян-якка, башлангыч торышка кире кайту (һәр якка 4 әр тапкыр).

4. Башлангыч торыш – эскәмия алдына басу, кулларны ирекле тоту. Уң һәм сул аякны күтәреп, эскәмиягә менү (төшү) (6 тапкыр).

5. Башлангыч торыш – куллар ирекле тотып, эскәмия янына басу. 1–8 кадәр санау хисабына, эскәмия янында сикерү (2–3 тапкыр).

2. Төп хәрәкәтләр:

2.1. 3 м ара калдырып, бер рәткә басу, бер-береңә ике кул белән туп ыргыту;

2.2. Араларында 50 шәр см калдырып куелган 6–8 бау аша куш аяклап сикерү;

2.3. Гимнастика эскәмиясендә һәр адымга алга һәм артка кул чабып йөрү.

3. «Күчтек» хәрәкәтле уены.

Идәндә диаметры 20–30 м лы зур түгәрәк, ә аның эчендә уйнаучылар санынча кечкенә түгәрәкләр (диаметры 60–70 см) сызыла. Санамыш ярдәмендә уенны алып баручы сайлана, ул зур түгәрәк уртасында басып тора. Уенны алып баручы: «Күчтек!» – ди. Бу сүздән соң уйнаучылар, бер аякта сикерә-сикерә барып, тиз генә бер-берләре белән урыннарын (түгәрәкләрен) алышалар. Алып баручы да, бер аягында сикерә-сикерә барып, берәр түгәрәк эченә кереп калырга тырыша. Урынсыз калган бала уенны алып баручы була.

III. Йомгаклау өлеше. Балалар сайлавы буенча аз хәрәкәтле уен.