I.Кереш өлеш.

Йөрү. Предметлар аркылы атлап чыгу. Тәрбияче артыннан йөгерү.

II. Төп өлеш.

1. Шакмаклар белән гомуми үсеш күнегүләре.

1. Башлангыч торыш – кулларны тез өстенә куеп, шакмакка утыру. Кулларны ян-яктан өскә күтәрү, башлангыч торышка кайту (3 тапкыр).

2. Башлангыч торыш – шакмакка утырып, кулларны ян-якка сузу. Чиратлаштырып уң һәм сул аякны күтәрү һәм төшерү (3–4 тапкыр).

3. Башлангыч торыш – шакмакка утырып, кулларны ян-якка сузу. Уң аякны күтәреп, тез астына кул чабу, башлангыч торышка кайту (3–4 тапкыр).

4. Башлангыч торыш – шакмаклар артына басу. Чүгәләү (яшеренү) һәм тору (күренү) (3–4 тапкыр).

5. Куллар – җилкә киңлегендә, шакмаклар янына басу. Урында атлау белән чиратлаштырып, куш аяклап сикерү (4–5 тапкыр).

6. 10 секунд дәвамында сулыш алу күнегүләре ясап йөрү.

2. Төп хәрәкәтләр.

2.1. Идәндә бер-берсеннән 20 см ераклыкта сузылган ике бау (сызык) аркылы сикереп чыгу;

2.2. Билгеләнгән юнәлештә шуышу;

2.3. Бер ягы 20 см биеклеккә күтәрелгән авыш тактадан йөрү.

«Бау аша сикер» хәрәкәтле уены.

Балалар урындыкларда утырып торалар. Тәрбияче идәнгә 3–4 м озынлыктагы төсле бау сала. Берничә бала (6–8) бау янына килә һәм тәрбияче сигналы буенча бау аша сикереп чыга. Уенны идәнгә тагын бер бау салып катлауландырырга була. Балалар башта - беренче, аннары икенче бау аша сикереп чыгалар.

III. Йомгаклау өлеше.

10–15 секунд дәвамында сулыш күнегүләре ясап йөрү.