I. Кереш өлеш.

Колоннада берәрләп тезелеп йөрү, куш аяклап сикерү, йөрү һәм таралышып йөгерү.

II. Төп өлеш.

1. Флагчыклар белән гомуми үсеш күнегүләре:

1. Башлангыч торыш – төп торыш, флагчыклар тоткан кулларны аста тоту. Флагчыкларны ян-якка сузу, өскә күтәрү, ян-якка сузу. Башлангыч торышка кайту (6 тапкыр).

2. Башлангыч торыш – аяклар җилкә киңлегендә, флагчыкларны күкрәк турысында тоту. Уң (сул) якка борылу, флагчыкларны ян-якка сузу. Башлангыч торышка кайту (6 тапкыр).

3. Башлангыч торыш – төп торыш, флагчыклар тоткан кулларны аста тоту. Флагчыкларны ян-якка сузу, чүгәләү, флагчыкларны алга сузу. Тураю, флагчыкларны ян-якка сузу. Башлангыч торышка кайту (8 тапкыр).

4. Башлангыч торыш – аяклар җилкә киңлегендә, флагчыклар тоткан кулларны аста тоту. Флагчыкларны ян-якка сузу, алга иелү, флагчыкларны кисештерү. Тураю, флагчыкларны ян-якка сузу. Башлангыч торышка кайту (6–8 тапкыр).

5. Башлангыч торыш – аяклар җилкә киңлегендә, флагчыклар тоткан кулларны аста тоту. Флагчыкларны алга, артка, алга сузып, селтәү. Башлангыч торышка кайту (6–7 тапкыр).

6. Башлангыч торыш – төп торыш, флагчыклар тоткан кулларны аста тоту. Аякларны аерып сикерү, флагчыкларны ян-якка сузу, сикереп башлангыч торышка кайту.

2. Төп хәрәкәтләр:

2.1. Кыска сикергеч аша алга таба сикереп, билгеләнгән сызыкка кадәр йөгерү;

2.2. Тупны сетка аша ике кул белән ыргыту һәм идәнгә бәрелеп, сикереп киткәч аны тотып алу. Күнегүне ике шеренгада, кара-каршы басып эшләү;

2.3. Сигнал буенча күзләрне йомып, бер аякта басып тору.

3. «Парлашып бас» хәрәкәтле уены.

Уйнаучылар парлашып басалар һәм мәйданчык буйлап таралалар. Кара-каршы басып, бер-берләренең кулларыннан алалар – «кәрзиннәр» ясыйлар. Бер пар(ике бала) читтәрәк басып тора. Аларның берсе – әбәкче – икенче баланы куа башлый. Качучы бала әбәкчегә тоттырмаска тырышып, парлар арасыннан йөгерә һәм тиз генә берәр баланың исемен әйтә. Исеме әйтелгән бала йөгереп китәргә тиеш, ә качучы аның урынына баса. Әбәкче йөгереп киткән баланы куып тота алса, алар парлашып басалар: «кәрзин» ясыйлар. Уен дәвам итә.

III. Йомгаклау өлеше. Колоннада берәрләп тезелеп йөрү.