Тәрбияче:

– Балалар, сез әкиятләр яратасызмы? Мин дә әкиятләрнебик яратам, чөнки анда чын могҗизалар була. Сез әкият урманына сәяхәт итәргә телисезме? Бәлки без анда әкият геройлары белән очрашырбыз. Бергәләп тылсымлы сүзләр әйтик: «Бер, ике, өч – тылсымлы урманда без».

«Урманга сәяхәт» уен күнегүе.

Тәрбияче:

– Менә без урманда. Балалар, юлда безгә каршы нәрсә тәгәри?

Балалар:

– Йомры күмәч.

Тәрбияче:

– Күмәч нәрсәгә охшаган? Аның почмаклары бармы? Дөрес, балалар, шуңа күрә ул тәгәри ала.

Ул тәрәзә төбендә ятмаган,

Бабайдан да киткән,

Әбидән дә киткән.

Һәм урманда адашкан.

Әйдәгез, йомры күмәчне әби-бабайга алып барыйк. Безнең алдыбызда ике юл. Ә менә хат таптым. Анда «Озын юлдан әби-бабайга барасың, кыска юлдан убырлы карчыкка килеп чыгасың» дип язылган. Кыска юл кайда? (Балалар күрсәтә.) Озын юл кайда? (Балалар күрсәтә.) Без нинди юлдан барырбыз?

Балалар:

– Озын юлдан.

Тәрбияче:

– Карагыз, каршыбызда чыршылар үсеп утыра. Бу нинди чыршы?

Балалар:

– Биек чыршы.

Тәрбияче:

– Чыршының биек булуын күрсәтегез. (Балалар кулларын өскә күтәрәләр.)

Тәрбияче:

– Ә бу чыршы нинди?

Балалар:

– Бу чыршы тәбәнәк.

Тәрбияче:

– Биек чыршы астында кем яшеренгән?

Балалар:

– Куян.

Тәрбияче:

– Исәнме, куян, без йомры күмәчне әби һәм бабайга алып барабыз.

Куян:

– Исәнмесез. Балалар, минем абыйларыма кишерләрне тигез итеп бүлеп бирергә булышыгыз әле.

Тәрбияче:

– Булышабызмы, балалар?

Тәрбияче мольбертка куян рәсемнәре куя.

Тәрбияче:

– Бер куян, ике, өч, дүрт. Ничә куян?

Балалар:

– Күп.

Тәрбияче:

– Тәлинкәдә ничә кишер?

Балалар:

– Күп.

Тәрбияче:

– Барлык куяннарга да кишер җитәрлек булсын өчен, без кишерләрне ничек бүлергә тиеш?

Һәр куянга берәр кишер бирәләр.

Тәрбияче:

– Куяннар һәм кишер саны турында нәрсә әйтеп була?

Балалар:

– Куяннар күбрәк, ә кишерләр азрак.

Тәрбияче:

– Барлык куяннарда да кишер бармы?

Балалар:

– Юк.

Тәрбияче:

– Куяннар күбрәкме, әллә кишерләрме? (Бер бала куянга тагын бер кишер бирә.) Хәзер куяннар һәм кишерләр саны турында нәрсә әйтеп була?

Балалар:

– Алар бертигез.

Куян:

– Рәхмәт, балалар. Сау булыгыз.

Тәрбияче:

– Ә безгә йомры күмәчне әби белән бабайга илтергә кирәк.

Балалар юлларын дәвам итеп, йомры күмәчне әби белән бабайга тапшыралар. Мультфильм: «Йомры күмәч» рус халык әкияте. https://бала.рф/ipad/library.html?id=6.