Тәрбияче:

– Бүген безгә курчаклар – Алсу һәм Алия кунакка килде. Без бүген алар белән бергә уйнарбыз һәм биремнәрне үтәрбез.

«Аерманы табыгыз» дидактик уены.

Тәрбияче:

– Курчакларга һәм аларның чәчләренә игътибар белән карагыз. Алар нәрсә белән аерылып тора?

Балалар:

– Бер курчакның чәче озын, икенчесенеке – кыска.

Тәрбияче:

– Хәзер аларның киемнәренә карагыз. Аларның итәкләре нинди?

Балалар:

– Бер курчакның итәге озынрак, икенчесенеке – кыскарак.

«Алсу һәм Алия өчен матур беләзек җыябыз» дидактик уены.

Тактага (яки фланелеграфка) түгәрәкләр ярдәмендә беләзек ясалган (3 данә).

Тәрбияче:

– Бу Алсуның беләзеге. Беләзек нинди төстә? Сәйләннәре ничә? Әйдәгез, Алия өчен шундый ук беләзек ясыйк.

Балалар, тәрбияче артыннан кабатлап, беләзек ясыйлар.

Тәрбияче:

– Алсу һәм Алиянең беләзегендәге сәйләннәр турында нәрсә әйтеп була?

Балалар:

– Сәйләннәрнең саны тигез.

«Күпме – шулкадәр» дидактик уены.

Тәрбияче:

– Хәзер безгә курчаклар авазлар һәм фигуралар белән уйнарга тәкъдим итәләр. Өстәлләрдә фигуралар бар. Ничә чәбәкләү тавышын ишетәсез, шулкадәр өчпочмак куегыз. Ничә тавыш ишеттегез?

Балалар:

– Күп тавыш ишеттек.

Тәрбияче:

– Сез ничә өчпочмак куйдыгыз?

Балалар:

– Күп.

Тәрбияче:

– Хәзер ишеткән тыпырдау тавышы кадәр квадратлар куегыз. Ничә тавыш ишетелде?

Балалар:

– Бер.

Тәрбияче:

– Ничә квадрат куйдыгыз?

Балалар:

– Бер квадрат куйдык.

«Фигураны алыгыз» хәрәкәтле дидактик уены.

Идәндә төрле геометрик фигуралар ята. Балалар музыка астында хәрәкәт итәләр.

Тәрбияче (сигнал бирә):

– Түгәрәкне (квадратны, өчпочмакны) алыгыз.

Һәр бала түгәрәкне табарга һәм аны югарыга күтәрергә тиеш. Уен һәр бала барлык фигураларны тапканчы кабатлана.

«Чеби» кисеп ябыштыру.

Тәрбияче:

– Балалар, әйдәгез, курчакларга бүләкләр ясыйк.

Тәрбияче геометрик фигуралардан «чеби» үрнәген күрсәтә һәм шундый ук чеби ясарга тәкъдим итә. Эш үрнәк буенча мөстәкыйль башкарыла.

Тәрбияче:

– Чеби нинди геометрик фигуралардан ясалган?

Балалар:

– Чеби зур һәм кечкенә түгәрәкләр, өчпочмаклардан ясалган.