Бурычлар:

Үстерү бурычы: чыдамлык, тизлек психофизик сыйфатларын үстерү.

Тәрбия бурычы: балаларда үзеңне әдәпле тота белү күнекмәләрен формалаштыру.

Белем бирү бурычы: йөрү, йөгерү, сикерү,туп ату күнекмәләрен ныгыту.

Җиһазлау: гимнастика эскәмияләре (2 данә), кабартылган туплар, баулар (шнурлар) (8–10 данә), туплар (балалар санына караганда, 2 тапкыр кимрәк), кублар.

Төп хәрәкәтләр:

1. Гимнастика эскәмиясе буйлап ян белән йөрү. Арасы 2–3 адым ераклыкта куелган кабартылган тупларны атлап үтү (2–3 тапкыр).

2. Баулар аша уңга һәм сулга ике аякта сикереп, алга таба хәрәкәт итү (2–3 тапкыр).

3. Диаметры 20–25 см булган тупны бер-береңә баш артыннан ике кул белән ыргыту. (10–12 тапкыр).