Бурычлар:

Үстерү бурычы: кулның вак моторикасын үстерү.

Тәрбия бурычы: мөстәкыйльлек, иҗади омтылыш, фантазия тәрбияләү.

Белем бирү бурычы: кечкенә сикергечләр аша сикерергә, кыршауны әйләндерергә өйрәтү.

Җиһазлау: шакмаклар, кечкенә туплар (балалар санынча), ком тутырылган капчыклар (балалар саныннан 2 тапкыр күбрәк), гимнастик эскәмияләр (2 данә), шнур.

Төп хәрәкәтләр төрләре:

1. 3 м ераклыктан вертикаль максатлы урынга уң һәм сул кул белән ком белән тутырылган кечкенә капчыкларны ыргыту;

2. Кулларны ян-якка сузган рәвештә, бер аякның үкчәсен икенче аяк башына терәп куеп, гимнастика эскәмиясе буйлап йөрү;

3. Уч төпләре һәм табаннар белән таянып, гимнастика эскәмиясе буйлап («аю кебек») шуышу.