I. Кереш өлеш.

Колоннада берәрләп тезелеп йөрү белән йөгерүне чиратлаштыру. Таралышып йөгерү. Тәрбияче сигналы буенча, колоннада үз урыныңны табып йөгерү. Өчәрләп колоннага тезелү.

II. Төп өлеш.

1. Гомуми үсеш күнегүләре:

1. Башлангыч торыш – үкчәләрне бергә куеп, аяк очларын аерып басу, кулларны аста тоту. Кулларны яннан китереп, өскә күтәрү, аяк очларына күтәрелү. Башлангыч торышка кайту (6–8 тапкыр).

2. Башлангыч торыш – кулларны билгә куеп, аякларны бераз аерып басу. Уңга борылу, уң кулны янга сузу. Башлангыч торышка кайту (6–8 тапкыр).

3. Башлангыч торыш – кулларны билгә кую. Чүгәләп, кулларны алга сузу. Башлангыч торышка кайту (5–8 тапкыр).

4. Башлангыч торыш – кулларны билгә куеп, аякларны бераз аерып басу. Кулларны ян-якка сузып, алга иелү, аяк очларына кагылу, тураю, кулларны ян-якка җәю. Башлангыч торышка кайту (6–7 тапкыр).

5. Башлангыч торыш – кулларны билгә куеп, аякларны бераз аерып басу. Бер урында йөрүне куш аяклап сикерү белән чиратлаштыру (20 тапкыр).

2. Төп хәрәкәтләр:

2.1. Гимнастика эскәмиясе буенча йөрү, эскәмия уртасында таяк аша атлап чыгу;

2.2. 40 см ара белән куелган туплар аша ике аяк белән сикереп бару;

2.3. Төрекчә утырган килеш бер-береңә тупны ыргыту һәм тоту.

3. «Су анасы» удмурт халык уены.

Җиргә (идәнгә) зур түгәрәк – «күл» сызыла. Санамыш ярдәмендә «Су анасы» сайлана. Ул «күл» эчендә утыра. Уйнаучылар түгәрәк тирәли (сызыкның тышкы ягында) йөгереп йөриләр. Су анасы сызык эчендә йөгерә, «яр»га якынлашкан балаларны тотарга тырыша (кулы белән кагыла). Тотылган бала күл эченә керә. Уен күпчелек балалар тотылганчы дәвам итә. Тотылган балалар Су анасына калган балаларны тотарга булышалар.

III. Йомгаклау өлеше.

Кулларны билгә, җилкәгә, баш артына куйган хәлдә сулыш күнегүләрен ясап, Колоннада берәрләп тезелеп йөрү.