I. Кереш өлеш.

Хәрәкәтнең тизлеген арттырып һәм киметеп түгәрәк буенча йөрү һәм йөгерү. Йөрү һәм йөгерү вакытында даими аралыкны саклау.

II. Төп өлеш.

1. Гомуми үсеш күнегүләре:

1. Башлангыч торыш – аяклар үкчә киңлегендә, кулларны гәүдә янында иркен тоту. Кулларны ян-якка, өскә күтәрү, кул чабу. Кулларны ян-якка сузу. Башлангыч торышка кайту (8 тапкыр).

2. Башлангыч торыш – төп торыш, кулларны билгә кую. Кулларны ян-якка сузу, чүгәләү, кул чабу. Басу, кулларны ян-якка сузу. Башлангыч торышка кайту (6–8 тапкыр).

3. Башлангыч торыш – тезләнеп торган килеш, кулларны билгә кую. Кулларны ян-якка сузу, уңга (сулга) иелү, уң (сул) кулны аска, сул (уң) кулны өскә сузу, тураю. Башлангыч торышка кайту (6 тапкыр).

4. Башлангыч торыш – аркага яткан килеш, кулларны баш өстендә сузу. Уң (сул) аякны туры килеш күтәрү, тез астында кул чабу. Башлангыч торышка кайту (6–8 тапкыр).

5. Башлангыч торыш – корсакка ятып, кулларны аска туры сузу. Күтәрелү, бөгелү, кул чабу. Башлангыч торышка кайту (6 тапкыр).

6. Башлангыч торыш – аякларны бергә кую, кулларны аска төшерү. Сикереп, аякларны аеру, баш өстендә кул чабу. Башлангыч торышка кайту (3 тапкыр).

2. Төп хәрәкәтләр:

2.1. Кулларны баш артына куеп, канат буенча йөрү;

2.2. Бер аякның тезе өстендә кечкенә капчык тотып, икенче аякта алга таба сикереп бару; 2.3. «Кәрзингә керт». Тупны ике кул белән баскетбол кәрзиненә ыргытып кертү.

3. «Песи һәм чыпчыклар» хәрәкәтле уены.

Идәндә (яисә уен мәйданчыгында җирдә) зур түгәрәк сызыла. Уйнаучы балалар – «чыпчыклар» – шул түгәрәкнең тышкы ягына тезелеп басалар. Арадан берсе санамыш ярдәмендә «песи» итеп билгеләнә, ул түгәрәк уртасына баса. Сигнал буенча, балалар сикергәләп, түгәрәк эченә кереп-чыгып йөриләр. Песи бу вакытта (балалар түгәрәк эчендә вакытта) кемне дә булса тотарга тырыша. Тотылган бала песи була, ә песи чыпчык булып уенны дәвам итә.

Уенны бер аякта сикереп (түгәрәк эченә кереп-чыгып) катлауландырырга мөмкин.

III. Йомгаклау өлеше.

Музыка астында колоннада берәрләп бер аякны икенчесе янына күчереп, ян белән йөрү.