Тәрбияче:

– Балалар, бүген мин сезгә таныш куян балалары Шаян һәм Наян белән булган бер кызык вакыйга турында сөйлим. Куян балалары урмандагы күп кенә җәнлекләрне һәм бөҗәкләрне күреп беләләр. Ә беркөнне алар үзләре яши торган аланда таныш булмаган ике бөҗәк күргәннәр. «Сез кем?» – дип сораганнар алар әлеге бөҗәкләрдән. «Без – әкәм-төкәмнәр. Бик ашыгабыз. Өйдә безне балаларыбыз көтә. Зинһар, тоткарламагыз», – дигәннәр дә акрын гына шуышып китеп барганнар.

Без бүгенге шөгыльдә әлеге серле бөҗәкләр – әкәм-төкәмнәр турында сөйләшербез һәм аларны әвәләп ясарбыз.

Экранда әкәм-төкәм рәсеме күрсәтелә.

Тәрбияче:

– Әкәм-төкәмнең гәүдәсе, башы, мөгезләре, кабырчыгы бар. Ул аякларында (табанында) шуышып йөри. Үләннәр белән туклана . Әкәм-төкәм төрле үсемлекләрнең яшел яфракларын, кәбестә яфракларын һәм гөмбәләр ашый. Әгәр дә әкәм-төкәмне берәрсе борчыса, ул үзенең кабырчыгына кереп яшеренә. Аның кабырчыгы шактый нык. Кабырчык аны дошманнардан саклый.

Динамик пауза. «Әкәм-төкәм».

Мөгезләрен тырпайтып

Имән бармакларын баш өстенә куялар,

Әкәм-төкәм шуыша.

урыннарында атлап торалар,

Кемдер аны куркытты,

чүгәлиләр,

Өенә кереп качты.

башларын куллары белән каплыйлар.

Тәрбияче:

– Әйдәгез, өстәлләр артына утырыйк һәм бармакларны эшкә әзерлик.

Бармаклар өчен күнегү.

Бармаклар юлга басты,

Балалар бармакларын өстәлгә куялар,

Тиз-тиз генә йөгерде.

бармакларын «йөгертәләр»,

Тигез юлдан йөгерүе

Бармакларга күңелле.

ике кулның урта һәм имән бармаклары белән өстәл өстеннән «йөгерәләр».

Тәрбияче:

– Ә хәзер әкәм-төкәмнәрне әвәләргә керешик. Башта без ике уч арасында пластилин кисәгеннән таяк әвәләрбез. Таякның бер башы әкәм-төкәмнең аяклары булыр. Икенче башын ике бармак белән тартып, башын һәм мөгезен ясарбыз. Аннары икенче таякны әвәлибез һәм аны, бөтереп, әкәм-төкәмнең кабырчыгын ясыйбыз. Кабырчыкны әкәм-төкәмнең аяклары өстенә куябыз.

Балалар мөстәкыйль эшли. Тәрбияче тырышлыклары өчен балаларны мактый, рәхмәт әйтә.