1. Кыш темасына караган Табышмаклар әйтү. Табышмакларның җавапларына туры килгән рәсемнәрне экранда күрсәтү.

• Бер ак юрган таптык,

Җир өстенә яптык. 

(Кар)

• Үкерә дә котыра,

Бөтен җирне тутыра. 

(Буран)

• Утта янмый, суда батмый. 

(Боз)

2. «Кыш билгеләрен эзләп табыгыз». Тәрәзәдән тышкы табигатьне күзәтү.

– Кар ява.

– Агачларда яфраклар юк, ялангач.

– Җил исә.

– Кар бөртекләре оча.

– Балалар Кар бабай ясап куйганнар һ.б.

3. «Ак карлы кыш килде». Күзаллап кечкенә хикәя төзү.

Хикәя үрнәге. «Кыш килде. Бөтен җирдә ап-ак кар ята. Көн салкын. Көчле җил исә. Буран уйный. Суык булса да, мин кышны яратам».

4. Динамик пауза: «Кар ява» уены (Б. Рәхмәт шигыре буенча)

Чыгабыз уйнарга,

Атлап бару,

Урамга – һавага.

шатланып кул чабу,

Чуарлап өсләрне,

киемнәрне сыпыру,

Ябалак кар ява.

кулларны аска-өскә селкү,

Ябалак кар, яу-яу!

бер урында сикерү,

Без ясыйбыз кардан тау,

кулларны югары күтәрү,

Ак мамыктай тузгып яу!

кулларны як-якка селкү,

Бик дәү булсын безнең тау!

кулларын югары күтәрү.

5. Шигырь уку: «Кыш килде» («Куанычым-багалмам», 92 бит), Гөлшат Зәйнашева.

Шигырьнең эчтәлеге буенча сораулар:

– Кыш нинди тун кигән?

– Нинди кар ява?

– Кешеләрне салкын һава куркытамы? Нигә куркытмый?

– Чаңгылар һәм чаналар каян сикереп төшкән?

– Кышлар ничек үтә?

– Сез кышны яратасызмы?

6. Шигырьне яттан сөйләү (башта – күмәкләп сөйләү; аннары 4–5 баладан сөйләттерү).

7. Сынамышлар әйтү, мәгънәләрен аңлату.

* Кар калын булса, ашлык уңар.

* Кыш салкын булса, җәй алма була.

* Эт аунаса, буран булыр.

* Каз аягын күтәреп торса, салкын булыр.