1. «Бәйрәм көннәрен ничек уздырдым?» темасына әңгәмә.

– Күптән түгел нинди бәйрәм булып узды?

– Яңа елны кайда, ничек бәйрәм иттегез?

– Сезгә бу бәйрәм ошыймы? Ни өчен?

– Ял көннәрендә нинди уеннар уйнадыгыз?

– Кыш бабай нәрсә бүләк итте? Бүләк ошадымы?

– Яңа ел кайсы айдан башлана?

– Гыйнвар – кышның ничәнче ае?

2. «Чиләктә нәрсә бар?». Тәҗрибә үткәрү.

– Үзе йомшак, үзе салкын,

Кулга тотсаң, ул эри,

Төсе аның сөттәй ак,

Әйтегез әле, балалар, ул ни? 

(Кар)

Балалар карны тотып карыйлар, аның үзенчәлекләре турында сөйлиләр.

Балалар:

– Кар салкын.

– Ул ак төстә.

– Кар йомшак.

– Кулга алгач, эри.

– Кар җылыда эри.

– Ул суга әйләнә.

– Ә су салкында ката. Бозга әйләнә.

Тәрбияче:

– Балалар, без кардан нәрсәләр ясыйбыз?

Балалар:

– Кар бабай ясыйбыз.

– Карны өеп, тау ясарга була.

Тәрбияче:

– Тауда нишлибез?

Балалар:

–Чанада, чаңгыда шуабыз.

3. «Кышкы уеннар» рәсемен карау. Әңгәмә:

– Бу рәсемдә нинди ел вакыты сурәтләнгән?

– Көн (һава торышы) нинди?

– Рәсемдә кемнәрне күрәсез?

– Балалар нишлиләр?

– Бу кызның исеме Миләүшә. Миләүшә нишли?

– Малайларга исем кушыгыз. Алар нишлиләр?

– Ничек уйлыйсыз: балаларга тауда уйнау ошыймы?

4. План буенча балалар хикәясе.

* Кышкы табигатьне тасвирла.

* Көн (һава торышы) нинди?

* Балалар ничек киенгәннәр? Алар нишлиләр?

* Рәсемне ничек атар идең?

5. Динамик пауза: «Суыктан курыкмыйбыз» уены

Ап– ак карлар, ап– ак карлар

Кул чуклары белән «фонарьлар» ясау,

Әкрен генә явалар.

кулларны өскә-аска селкү,

Чаналар тартып балалар

кулларны артка сузу,

Тау шуарга баралар.

урында атлап тору,

Суыктан да курыкмыйлар,

бармак янау,

Рәхәтләнеп уйныйлар.

урында сикерү,

Чаңгыда да шуалар,

чаңгыда бару хәрәкәтләре,

Уйнаудан һич туймыйлар.

кулларны өскә күтәрү.

6. Телшомарткыч (тизәйткеч) әйтү. [К], [р], [т] авазларының дөрес әйтелеше өстендә эшләү.

* Кар аттым, кар аттым, ап-ак карны каралттым.